“1905.az” portalının Xocalı soyqırımı ilə bağlı anım tədbiri keçirilib

Fevralın 25-də “1905.az” portalı “Park Bulvar” AVM-də “Xocalı 1992” anım tədbiri keçirib.

İctimaiyyət, media nümayəndələrinin və xarici qonaqların böyük ilgi göstərdiyi tədbirdə “1905.az Studio”nun Xocalı soyqırımına həsr olunmuş video-çarxı, “1905.az” Səyyar Qalereyasının ekspozisiyası və portalda bu barədə materialları nümayiş etdirilib, ziyarətçilərə Azərbaycanda Vətəndaş Cəmiyyətinin İnkişafına Yardım Assosiasiyasının həmin mövzuda nəşr etdirdiyi “Xocalı soyqırımı (faktlarda, sənədlərdə və xarici mətbuatda)”, “Milyon imza – bir tələb”, “Bir faciə haqqında iki foto-söhbət” kitabları təqdim olunub. Tədbir iştirakçılarına həmçinin, AVCİYA-nın “Milyon imza – bir tələb” kampaniyası haqqında ətraflı məlumat verilib.

Anım tədbiri 16.00-dan 20.00-a kimi davam edib.